Maxfiylik siyosati
Soʻnggi yangilanish: 2026-yil oktabr
Ushbu siyosat skillora.uz sayti va Skillora mobil ilovasi (uz.skillora.app) sizning maʼlumotlaringizni qanday yigʻishi va ishlatishini tushuntiradi. Sayt ham, ilova ham bitta hisob va bitta bazadan foydalanadi.
Qanday maʼlumot yigʻamiz
Roʻyxatdan oʻtishda: ismingiz, telefon raqamingiz va email manzilingiz. Keyin oʻzingiz qoʻshasiz: tuman, Telegram nomi va profil rasmi — oxirgi ikkitasi ixtiyoriy. Bundan tashqari siz yozgan eʼlon va soʻrovlar matni hamda boshqa foydalanuvchilar bilan yozishmalaringiz saqlanadi.
Mobil ilova
Ilova telefoningizda faqat kirish kalitini saqlaydi — u qurilmaning xavfsiz xotirasida turadi. Bildirishnomalarga rozilik bersangiz, Google Firebase bergan qurilma belgisi ham saqlanadi; rad etsangiz hech narsa saqlanmaydi. Ilova joylashuvingizni oʻqimaydi — tumanni roʻyxatdan oʻzingiz tanlaysiz. Rasm faqat siz galereyadan tanlaganingizda yuklanadi.
Joylashuv va jonli xarita
Usta chaqiruvga «Yoʻlga chiqdim» tugmasini bosgandan keyin uning telefoni joylashuvini — ilova fonda yoki ekran oʻchiq boʻlsa ham — faqat shu chaqiruv egasiga xaritada koʻrsatish uchun yuboradi. Ulashish usta «Yetib keldim» tugmasini bosganda, chaqiruv bekor qilinganda yoki tugaganda oʻzi toʻxtaydi; shu payt telefonda «Mijozga yoʻldasiz» bildirishnomasi turadi. Usta ruxsat bermasa ham chaqiruv ishlayveradi — mijoz faqat taxminiy vaqtni koʻradi. Buyurtmachi xohlasa, chaqiruvga oʻz uyining joylashuvini qoʻshadi; uni faqat tanlangan usta koʻradi. Joylashuv uchinchi tomonlarga berilmaydi va reklama uchun ishlatilmaydi.
Maʼlumotdan qanday foydalanamiz
Maʼlumotlar platformani ishlatish, ustalar va ish beruvchilarni bogʻlash va xavfsizlikni taʼminlash uchun ishlatiladi. Eʼlon nechta marta koʻrilgani va raqamingiz nechta marta olingani sanaladi — lekin kim koʻrgani yozilmaydi.
Cookie va qurilmadagi saqlash
Saytda sizni tizimda ushlab turish va til tanlovingizni eslab qolish uchun zarur cookie-fayllardan foydalanamiz. Ilovada cookie yoʻq: kirish kaliti va til tanlovi telefonning oʻzida saqlanadi. Reklama yoki kuzatuv cookie-fayllari ishlatilmaydi.
Maʼlumot almashish
Eʼlonda siz koʻrsatgan aloqa maʼlumotlari boshqa foydalanuvchilarga koʻrinadi — buni siz oʻzingiz tanlaysiz. Platformani ishlatish uchun texnik xizmatlardan foydalanamiz: Vercel (sayt), Neon (baza), Vercel Blob (rasmlar), Resend (email), Google Firebase (bildirishnoma). Ular maʼlumotni faqat biz uchun qayta ishlaydi. Biz shaxsiy maʼlumotlaringizni sotmaymiz va reklama uchun bermaymiz.
Maʼlumot qancha saqlanadi
Hisobingiz turgan vaqtgacha. Hisobni oʻchirsangiz, hammasi darhol oʻchadi va zaxira nusxalarda 30 kundan koʻp qolmaydi.
Sizning huquqlaringiz
Maʼlumotlaringizni istalgan vaqtda kabinetingiz orqali tahrirlashingiz mumkin. Hisobingizni butunlay oʻchirish ham oʻz qoʻlingizda — saytda ham, ilovada ham, hech kimdan ruxsat soʻramasdan.
Bogʻlanish
Maxfiylik boʻyicha savollaringiz boʻlsa, biz bilan bogʻlaning. Aloqa